Shërbime Doganore – Kontrolli i Veprimeve të Importit dhe Eksportit

Pagesa për magazinim aplikohet kur dërgesa nuk mund të zhdoganohet për shkak të dokumentacionit të pasaktë ose mungesës së tij. Pagesat hyjnë në fuqi 3 ditë kalendarike pas mbërritjes së dërgesës ose njoftimit të agjentit doganor, kushdo të jetë data më e vonshme. Pagesa aplikohet mbi paguesin e detyrimeve dhe taksave.

Një dërgesë ka status magazinimi doganor kur DHL-së i kërkohet të lëvizë mallra jo-dokument me origjinë të huaj në një vendndodhje tjetër dhe jo në qendrën shërbimit të DHL-së në destinacion. Tranziti në Magazinë Doganore normalisht kryhet brenda një shteti ose qendre doganore dhe është i nevojshëm të kryhet përpara zhdoganimit përfundimtar nga importuesi ose agjenti doganor përkatës. Tranziti në Magazinë Doganore aplikohet për dërgesat eksport dhe import, kurdo që kërkohet që DHL të hapë, menaxhojë ose raportojë një formë transferte në magazinë doganore duke përdorur garancinë e saj.

Ky shërbim aplikohet në vendet ku nevojitet një deklaratë eksporti për dërgesa që përmbajnë mallra të kontrolluara ose kalojnë një limit të caktuar të vlerës së deklaruar ose peshës. Në varësi të vendit të origjinës, dërguesit që mundësojnë një deklaratë eksporti online, mund të evitojnë pagesën lokale për të.

Në shtete të caktuara, kur importohen mallra me një vlerë të deklaruar ose peshë e cila tejkalon kufijtë e vendosur nga Autoritetet Doganore në destinacion, ose për shkak të kërkesave të tjera rregullatore, janë të përjashtuara nga zhdoganimi i zakonshëm në një manifest të konsoliduar dhe si rrjedhojë për to kërkohet zhdoganim nën një formë hyrjeje individuale.

Me kërkesë të marrësit, DHL do të mundësojë dokumentacionin e nevojshëm tek agjenti doganor i caktuar nga klienti, për të proceduar me zhdoganimin dhe DHL kryen dorëzimin në destinacionin përfundimtar pas përfundimit të zhdoganimit. DHL më pas nuk mban përgjegjësi mbi kohëzgjatjen e paraqitjes së dokumentacionit në doganë ose zhdoganimit të dërgesës.

Për dërgesa që përmbajnë më shumë se pesë mallra të ndryshme, aplikohet një pagesë e hyrjes për disa artikuj në një dërgesë, për çdo artikull shtesë. Për të gjithë mallrat kërkohet identifikim dhe duhet të klasifikohen nën numra tariforë të kodit unik të harmonizuar. Kjo pagesë i faturohet paguesit të detyrimeve dhe taksave.

Me kërkesë të importuesit, DHL do të organizojë transferimin e një dërgese tek agjenti doganor i përcaktuar sipas zgjedhjes së klientit. DHL do të transferojë përgjegjësinë për një dërgesë, të gjithë pjesët e lidhura me të dhe dokumentacionin e nevojshëm për zhdoganim tek agjenti doganor i përcaktuar nga klienti për zhdoganim dhe dorëzimin përfundimtar të dërgesës.

Sipas kërkesës së dërguesit ose importuesit, DHL përgatit mallrat ose produktet për eksportin e përkohshëm të tyre dhe për importin e mëvonshëm. Lëndët e para ose materialet gjysëm të gatshme mund të importohen në një Zonë Procesimi Eksporti ose një Zonë me Tregti të Lirë të miratuar nga Dogana për veprime me vlerë të shtuar, duke siguruar që mallrat e gatshme më pas të eksportohen.